Anse-Royale
Ozordi nou vwar nou dan en peryod diferan kot bann defi sosyal e moral, bann problenm drog ek lalkol i bezwen ganny adrese avek en komitman kolektif. Dan sa Nouvo Sesel si nou nasyon i inifye e si nou apresye e tenir tou sa ki byen dan nou lavi, sa vizyon ki Prezidan Michel in partaz avek nou pou ganny realize bokou pli fasilman.
Annefe nou fanmiy e distrik pou pli ere si nou rekonnet ki Lavenir Anse Royale se Nou. Se ou avek mwan ki pou kapab transform Anse Royale. Pour determin direksyon mon lavi in pran bokou letan refleksyon e lenspirasyon avek bann leksperyans byen enteresan. Me pour finalman konpran ki tou kouran pe diriz mwan pour vin serviter lezot i en realite ki sinifye senserite e determinasyon pour mwan kapab vreman fer li. Ozordi mon pe tann Anse Royale pe apel mwan. En lapel bokou pli for pe sorti dan sa lenstans ki nou pe trouv nou ladan.Dan sa telmomanmon pe vwar mwan reponn, “La mwan; avek konfyans e dan limilite mon’n pare pour deservi Anse Royale ”.
Akoz mon konn mon lekor, vedir ki mon konn mon kapasite e mon potansyel,mon lafors emon febles. Anmenmtan for danmon krwayans e lafwa dan mon Kreater mon vwar ki mon kapab akonplir bokou pour Anse Royale. Bokou plis ankor i kapab ganny realize si selman nou krwar ki ansanm nou kapab fer li. Mon krwar dan konfyans e senserite zabitan Anse Royale. Mon osi santi kimon dwa zotmon servis pour tou sa ki mon ete ozordi. Alors mon annan en det non pa selman avek mon distrikme osi avekmon pei. Mon dir zotmersi pour tou sa ki zot in donn mwan. Lavenir Anse Royale se nou. Mon konvenki kiAnse Royale tel parey nou pti Pei, i en landrwa beni avek son bann zabitan.
Pour en lavenir briyan ranpli avek sikse dan tou laspe son devlopman, Anse Royale i merit sa ki meyer. Anse Royale i merit enn son zanfan menm pour byen reprezant li dan sa prosen Lasanble Nasyonal. Anplis prensip e polisi Parti Lepep i devret kapab ganny manifeste e delivre atraver kontinite avek bokou inovasyon dan reprezantan Anse Royale.
En dimoun ki nou kapab depann lo la pour defann nou lentere e nou konsern. Enn ki posed laspe egzistansyel sa lepok ki nou ladan me ki anmenmtan i annan en vizyon pour lavenir nou distrik. Pour sa rezon mon rekonnet kimon respektab, onnet, disiplinen, atantiv e osi vize ver aksyon pour solisyon. Se sa ki Anse Royale i merite, sa ki meyer. I pran en kominote ann antye pour fer grandi en zanfan, me i osi pran vizyon e lideal en endividi pour anmenn en diferans e progresyon dan en pei e en fanmiy. Dan sa nouvo Sesel, nou tou nou bezwen fer en zefor spesyal pour anbelir nou bann bon valer. Annou ede fer nou fanmiy vin pli solid, nou kominote e nou pei vin pli for. Mon siport sa nouvo mouvman renesans sosyal ki nou pei in anbark li ladan. Alor annou angaz nou dan sa revolisyon sosyal, Anse Royale i annan en par pour zwe ladan.
Nou bann zenn avek nou bann aze, annou koste otour loportinite ki devan nou akoz nanryen pa pou bar nou.Annou sezi sa moman eksepsyonnel ki Sesel e nou distrik pe ofer nou. Lavenir se nou, Lavenir Anse Royale se Nou.Annou ansanm batir enAnse Royale kot i gou pour viv, kot i annan en koezyon ant bann aktivite edikasyonnel, moral, spirityel, lwazir, e finalman kominoter. Anse Royale i bezwen tou son zabitan, si pa ou avek mwan, napa lot ki pou kapab fer son lavenir vin briyan e progresif.Ansanm nou kapab fer Anse Royale vin en model pour son lantouraz.
Mon ofer ou mon komitman