Bel Ombre
Se zot zabitan ki’n ranforsi dan mwan sa konfidans ki sa desizyon ki mon’n pran pour reprezant tou zabitan Bel Ombre dan sa nouvo Lasanble, i enn ki pli maler ki tou rol ki mon’n zwe dan sosyete. Ki pli meyer ki ed bann dimoun ki mon’n grandi avek, ki mon’n frekante e mon bann dalon lekol, peser, biznesmenn, mer e per-d fanmiy, tou sa zenn ki konn mwan e zabitan an zeneral.
Kan mon ekout zot partaz sizesyon pou ed distrik e met bann konsern ki pour le moman pa dan lavantaz nou zabitan, mon dir dan mon menm, mon annan sa lardyes, mon konpran zot pwennvi e mon pare pour al diskit dan Lasanble e devan lotorite konsernen me mon pa pou satisfe tan ki mon pa war en solisyon. Parey dan tou distrik, Bel Ombre osi i annan son defayans. En kantite keksoz mon war ti pou benefiyse nou zabitan me ziska prezan nanryen pankor ganny fer oubyen sa ki’n ganny fer pa fer dibyen Bel Ombre. Par egzanp, Bel Ombre i bezwen al aste gas Beau Vallon, savedir i mank laboutik dan Bel Ombre. Zabitan Bel Ombre napa ase swa.
Nou renonmen pour annan enmorso later konble ki’n ganny demarke pour devlopman en por lapesme lotorite konsernen pa kapab zis egzekite san enkli lopinyon zabitan Bel Ombre espesyalman bann ki pou servi sa fasilite. Nou bezwen koz ek peser. Depi ki mon’n antre Bel Ombre koman Tyermenn Brans Parti Lepep e kandida pour reprezant zot dan Lasanble, mon pe demann gouvernman kestyon vizavi sa proze.
Lentansyon i bon me problenm i avek lenplimantasyon. Nou pa kapab annan en fasilite ki lotorite distrik e peser pa satisfe. I bezwen annan konsiltasyon. Koumsa nou tya war ki peser pa kapab toultan pey en kou pour al Providans pour al repar zot bato kan landrwa i annan pour fer li ‘on site’ dan nou distrik. E nou kapab fer li san ki nou polye lanvironnman nou distrik, landrwa gouvernman in donn nou. BelOmbre i oule formparti sa nouvo Sesel kot inovasyon i en laspe kle.
Mon en dimoun ki tre artistik e ki’n fer en kantite pour plizyer sekter e gran lakonpannyen Sesel. Bokou mon travay in demann bokou lentelizans, planifikasyon e bon lenplimantasyon.Mon’n par deryer tou zot reisit. Koman enn sa dimoun,mon annan en lavwa e lespri ki kapab fer en gran diferans kanmon pran en proze danmon lanmen. Bel Ombre i mon proze e mon pou servi inovasyon pour ed zabitan e distrik progrese. Zis parey mon’n par deryer sikse inovasyon dan teknolozi lenformasyon e lentrodiksyon ‘cable tv’ ki pe ede donn Seselwa en swa pour regarde.
Mon oule ed bann fanmiy pli vilnerab ki pa kapab soutenir en gro lon pour servi inovasyon pour agrandi oubyen repar zot lakaz. Pour ankouraz zabitan servi lenerzi afordab (lenerzi soler) avek ‘prefabs’ savedir lenfrastriktir fini prepare pour ed zabitan, parey mon’n komanse pour ede soulaz nou problenm lakaz espesyalman ki nou konnen ki nou distrik i annan en problenm teren. Me sa pa vedir ki nou pou refiz devlopman lakaz gouvernman dan nou distrik. Okontrer mon pou pouse pourki nou benefisye avek tou servis e fasilite ki gouvernman i fer disponib pour Seselwa.
Mon pa zis en artis,mon en biznesmenn repite. Striktir de baz pour dimoun ki oule fer biznes i egziste dan Sesel, mon pou fer sir zabitan Bel Ombre i ganny debousman. Mon pa pou toler okenn dimoun ki ganny pozisyon kle ki pa delivre louvraz byen ki pou afekte lavi sitwayen BelOmbre. Mon pa’n vin dan politik pour salimon non. Lamazorite dimoun i konnen ki dan politik nou fer dibyen nou vin kontribye konstriktivman. Mon pou reste konekte avek nou rasin dan BelOmbre. Mon pou fer sir ki espesyalman nou zenn i kiltiv prensip ki ozordi imanke dan nou sosyete an zeneral e non pa zis dan Bel Ombre.
Nou zenn i bezwen konnen ki Bel Ombre nou kapab akonplir en kantite keksoz, lo en laspe kiltirel e sportiv. Zot bezwen konnen ki dan nou distrik i annan bann frer Bijoux ki’n fer loner dan ‘volleyball’. Nou annan ‘weightlifter’ki sanpyon dan BelOmbre e nou osi annan nou timfoutbol ki forme ki kapab vin pli for akoz nou’n deza fer listwar ek nou bann tim sportiv. Mon pa oule ki tou keksoz i politik dan Bel Ombre. Mon pou travay pour tou zabitan e mon oule ki tou sa ki nou re.