Grand-Anse-Mahe
En zenn dinamik e determinen ki’n zwenn Grand Anse Mahe pour redinamiz sa distrik, en zenn avek bokou volonte pour fer keksoz avanse. En edikater par profesyon, ki’n edik bokou zenn e petet parmi ou zanfan. Mon’n ansarz e diriz konsey lazenes Seselwa kot mon’n ede devlop progranm pour zot. Sa i fer mwan pli byen plase pour konpran bezwen bann zenn e kapab gid zot ver zot bann bon desizyon pour zot fitir. Konman en edikater, mon’n osi form e antrenn ansennyan. Mon enn sa zenn ki’n swiv progranm zenn dirizan inisye par Prezidan Michel.
Mwan sa zenn, ki pa get zis problenm, me trouv solisyon pour ou problenm e fer keksoz bouze. Avek sa bagaz akademik e konpetans i permet mwan kapab melanz avek tou kous dimoun dan nou distrik. Mon rekonnet ki bokou in ganny fer dan distrik Grand Anse me mon osi rekonnet ki sa distrik i bezwen bouz pli devan. Koman en zenn avek bokou limer e dinamiz, avek en lespri ouver mon vwar mwan kalib pour promot nouvo nide e fer Grand Anse vin enn sa distrik ki an mouvman e annan plis ‘joie de vivre’ antre bann zabitan.
Mon pli gran lanvi se travay an partenarya avek tou lenstitisyon tel ki legliz, lekol e lezot. Spor i osi en aktivite ki anmenn bokou zabitan ansanm, sa zenn i santi ki i annan bokou loportinite pour pratik aktivite sportif dan sa distik e i annan bokou zenn ki pa pe ganny sa loportinite pour pratik zot spor prefere alor i mon swe ki bann zenn i realiz zot rev. Mon reste konnekte avek bann zabitan e touzour pare e fer letan pour ekout zot.
Dan sa vizyon nouvo Sesel, mwan sa zenn dirizan byen plase pour ede transform distrik e ede anmenn sa revolisyon sosyal ki pei pe koz lo la. Pour kapab fer li, fodre annan en nouvo fason panse, en nouvo fason adres problenm, en nouvo fason fer e en nouvo depar. Mwan sa zenn ki pare pour fer sa diferans. Avek sipor tou dimoun dan distrik, Grand Anse Mahe i kapab bouze. Ansanm nou a fer li.