Mont-Fleuri
Enn bann priyorite Prezidan Michel dan sa Nouvo Sesel se pour donn lotonomi lotorite distrik pour asir bokou plis devlopman e sa set en pwen ki mwan Begitta Jeannevol ki pou ganny elekte Mont Fleuri pou byen akeir. Rezon pour sa set akoz mon annan en plan e sa plan i form parti en rev ki mon’n toultan annan pour nou distrik. Prensipalman, mon pe ofer en Mont Fleuri dinamik ki ganny respe tou dimoun.
Pa oubliye ki nou distrik ti ‘top’dan plizyer domenn sirtouLedikasyon ek Spor e bokou lenstitisyon lansennyman ti dan nou distrik. Ozordi, nasyonalman, nou’n perdi sa lenportans eMont Fleuri pe soufer ek sou-devlopman. Mon pou sit par egzanp, Corgat Estate ek Kan Gard ki’n apropriye, bann semen ki ankor etrwat e se selman sa lannen ki lekol pe al ganny modernize. Drog ek lalkol i reste en fleo e plizyer zenn pa fini lekol. Mon rev se ranvers tou sa sitiasyon e re-anmenn sa lafyerte dan Mont Fleuri.
I pa nouvel kiMont Fleuri in en distrik lopozisyon pour 10 an e ki MNA ki ti Jean-Francois Ferrari pa’n fer nanryen pour distrik e zabitan, apard zis fer kalomni dan papye. Bann dimoun ki ti donn sa dimoun parese en vot pou aprezan bezwen vot pour mwan si zot anvi war sanzman dan nou distrik.
Mon’n zwenn politik a en tre zenn az kot mon ganny sans aprann bokou. Ansemoman mon pe ganny led ek sipor mon CC (Manm Komite Santral) Spiker Patrick Herminie, ki li osi ti antre dan politik a laz 28 an. Mon annan tou sa lenerzi e lantouziazm lazenes pour reisir.
Koman en manm Lasanble mon pou dan en pozisyon privilezye pour fer keksoz arive si zis mon pare pour travay. Parey mon’n fer resorti mon priyorite le moman mon pou ganny elekte se pour akseler re-devlopman Corgat Estate e Kan Gard.
Re-devlopman Corgat Estate pe pas dan en staz tre enportan la ki gouvernman in komans intervyou tou fanmiy dan sa landrwa avek bi pour gete kimannyer pou rehouse zot e kimannyer pour antreprann sa re-devlopman. Dan detrwa semenn pou annan en miting piblik avek bann zabitan Corgat Estate pourmontre zot kimannyer redevlopman pour ganny antreprann.
Fodre dir ki i annan plizyer mwan disi, apre ki mon’n entervenir, zabitan Corgat Estate pa pe pey okenn kotizasyon lo zot lakaz. Sa bann lakaz ki annan plis ki 50an i souvann fwa ranpli avek bann problenm, sirtou avek problenm desarz. Re-devlopman Corgat Estate alors pour en gran soulazman pour distrik. Mon oule ki zabitan Mont Fleuri i kit lespwar vivan e ki byento mon pou ganny loportinite pour reklanm Mont-Fleuri